جلال اباد باختر وږي ۷ مه
د ننګرهار څارګرې ادارې او امنیه قوماندانۍ د منسوبینو له لورې پرون د جلال اباد ښار په درېیمه ناحیه کې په دغه ولایت کې د افغانستان د جهاد او مقاومت د ارزښتونو د ساتنې بهیر په دفتر عملیات ترسره شوي،چې په ترڅ کې یې اته تنه د یو شمیر وسلو او ماینونو سره یو ځای نیول شوي دي.
د ننګرهار د والي ویاند عطاءالله خوږياڼي د باختر اژانس سیمه یېز خبریال وویل: دغه عملیات د اطلاعاتو پر بنسټ د ترهګرو د نیولو په موخه ترسره شوې چې په نیول شویو کسانو کې تر څېړنو وروسته ۵ تنه خوشي شوي،خو له درېوتنو نورو څخه اوس هم څېړنې روانې دي .
سرچینه زیاتوي چې د څارګرې ادارې د پالیسې له مخې به د قضیې د بشپړ انکشاف او څېړنو وروسته به د دغو عملیاتو وروستي جزئیات شریک شي.پای/وصال
