د افغانستان داسلامي جمهوريت د جمهور رييس حامدکرزي د خواشينۍ او ډاډګيرنې پيغام !
کابل باخترد ثور دمياشتې ١٢ :
د افغانستان داسلامي جمهوريت د جمهور رييس حامدکرزي د خواشينۍ او ډاډګيرنې پيغام !
په ژورې خواشينۍ سره خبرشوم چې د هيواد يوسپين ږيرى شاعر او ليکوال او قومي متنفذحاجي غلام محمدموسي زي د ورپيښې ناروغۍ له امله له دې فاني نړۍ څخه سترګې پټې کړې دي.
انالله وانااليه راجعون
ارواښاد حاجي غلام محمدموسي زي د پښتو ژبې ليکوال او شاعر، په خپله سيمه کې يو با رسوخه شخصيت او د خپلو خلکو خواخوږى و.
دده فرهنګي او اجتماعي خدمتونه د قدر وړ او مړينه يې يوه ضايعه ده.
دخپلې خواخوږۍ او ډاډګيرنې مراتب دده کورنۍ ، دوستانو، دکابل ولايت دخلکو او په تېره بيا دقره باغ ولسوالۍ خلکو ته وړاندې کوم.
الله تعالى دې دى وبخښي اوکورنۍ ته دې يې جميل صبر په نصيب شي.
