د افغانستان او وينزويلا د اړيکو د پراختيا په باب خبرې وشوې
کابل باختر دوري دمياشتې ١٨ نيټه :
د افغانستان د بهرنيو چارو وزير صلاح الدين رباني نن په باکو کې د ناپيلتوب غورځنګ د بهرنيو چارو وزيرانو د اتلسمي غونډې ترڅنګ د وينزويلا د بهرنيو چارو له وزير جورج اويازا مونتسرات سره وکتل.
په دې کتنه کې دافغانستان دبهرنيو چارو وزير د ٢٠١٦ ميلادي کال را په دې خوا د ناپيلتوب غورځنګ د مشرۍ لپاره د وينزويلا له حکومت څخه قدرداني وکړه .
دغه راز دواړو لورو په بېلابېلو برخو کې د افغانستان او وينزويلا ترمنځ په بېلابېلو برخو کې د اړيکو د پراختيا په باب بحث او خبرې اترې وکړې.
پاى عطاالله
