د افغانستان او ويست انديز دکرکټ ټيمونه سيالي کوي
کابل باختردکب دمياشتې٢٢ نيټه : دافغانستان دکرکټ ملي ټيم دويست انديز دکرکټ له پياوړي ټيم سره سيالي کوي. دباختر آژانس دخبرله مخې ؛ دهېواد دکرکټ ملي ټيم دکرکټ نړيوال جام ته دلارې موندنې دسياليو په دويم پړاو کې خپله لومړۍ لوبه دويست انديز له ټيم سره چې دوه ځلې يې د نړۍ اتلوالي ګټلې ده د راتلوونکې پنجشنبې په ورځ د زيمبابوى د هرارې دکرکټ په لوبغالي کې سيالي کوي. دويست انديز دکرکټ ملي ټيم په تمريناتي لوبه کې دافغانستان له ټيم څخه ماتې خوړلې وه. دهېواد دکرکټ ملي ټيم د هيلو پرخلاف درې تيرې لوبې په لومړي پړاو کې دسکاتلند ، نوي زيلاند او دهانکانګ ټيمونوته بايللې وې او يوازې د نيپال ټيم ته يې ماتې ورکړې وه . په دويم پړاو کې شپږ ټيمونه سيالي کوي چې له دې جملې څخه دوه ټيمونه به دانګلستان _ والس د ٢٠١٩ پنځوس آوريز نړيوال جام ته لاره ومومي . څلور ټيمونه په لومړي پړاو کې په ډله ييزو سياليو کې نړيوال جام ته له لارې موندنې څخه بې برخې شول دغه سيالۍ په زيمبابوې کې دوام لري. پاى ج ذ
