کابل باختر دلړم اوولسمه :
د هېواد د فوټبال ملي ټيم د تاجکستان د فوټبال له ملي ټيم سره دوستانه لوبه کوي .
ټاکل شوې ده دغه لوبه د تاجکستان په دوشنبه ښارکې ترسره شي .
د هېواد د فوټبال فدراسيون د خپرونو غړي شمس اميني نن د باختر آژانس خبريال ته وويل چې په همدې موخه د فوټبال فدراسيون د هېواد د فوټبال دملي ټيم غړي پرون په يوه خبري غونډه کې په دوستانه لوبه کې دګډون په موخه معرفي کړل .
امنيتي وويل چې معرفي شوي غړي د هغوى د لياقت او وړتيا له مخې انتخاب شوي او دغه ټيم د روانې اوونۍ د چارشنبې په ورځ تاجکستان ته سفرکوي او د را روانې يکشنبې د ورځې له غرمې وروسته په دريو بجو او ديرشو دقيقو د تاجکستان د فوټبال له ملي ټيم سره لوبه کوي .
