د افغانستان او بنګله دیش د فوټبال ټيمونه لوبه کوي
کابل / د غبرګولي١٣مه / باختر ټاکل شوې ده نن د افغانستان او بنګله دیش د فوټبال د لوبډلو ترمنځ په دوحه کې لوبه وشي.
دا لوبه د ٢٠٢٢ نړیوال کپ او د ٢٠٢٣ آسیا کپ ته د لارې موندلو لپاره کېږي.
د بنګله دیش د فوټبال لوبډله د فیفا په جدول کې ١٨٤ ځای لري او افغان لوبډله د جدول په ١٤٩ مقام کې ځاى لري.
د افغانستان او بنګله دیش ترڅنګ په ګروپ کې قطر، عمان او هند هم شته. قطر د ګروپ په سرکې دی، بیا عمان دی او ورپسې افغان لوبډله درېیم ځای لري. نننۍ لوبه د افغانستان لپاره ډېره مهمه ده
پاى \ ذ
