کابل – باختر دکب دمياشتې ٧
په ارزګان ولايت کې د پروني ځانمرګي بريد د سردزيان شمير ديارلسو تنو ته ورسيد .
د ترينکوټ ښار د مرکزي روغتون ډاکتران د دغې پيښې دپنځو تنو ټپيانو روغتيايي حالت خراب بولي.
مسوولين وايي : يوه ځانمرګې يرغلګر چې شپه يې په هوټل کې تيره کړه
غوښتل د ارزګان ولايت په امنيه قوماندان بريد وکړي خو د هغه دځانمرګي واسکټ د چاودنې له امله دغه پيښه رامنځته شوه .
په هغه هوټل کې چې ځانمرګى بريد پکې وشو د نورو ولايتونو مسافران او
دهوتل کارکونکې وو .
د ارزګان ولايت دامنيې قوماندانۍ دجنايي جرمونو پرخلاف د مبارزې مدير سمونوال ګلاب خان باختر آژانس ته وويل : په دې پيښه کې نهه تنه ملکي وګړي شهيدان او څلور ديرش تنه نور ټپيان شوي دي ، خو د ارزګان د مرکز روغتون مسوولينو خبر ورکړ ددغې پيښې څلورو تنو ټپيانو چې روغتيايي حالت يې خراب و هم سا ورکړه .
روغتيايي مسولينو ددغې پيښې دپنځو تنو نورو ټپيانو روغتيايي حالت خراب بللى دى.
