هرات باختر دچنګاښ دمياشتې ١:
دهرات ولايت مسوولين د نيکمرغه کوچني اختر په ورځوکې د خلکو د امنيت د تامينولو په خاطر د لازمو تدبيرونو د نيولو خبر ورکوي.
د هرات ولايت سرپرست جنرال محمدجمعه عديل دهرات ښار په کچه د اصنافو او کسبګرو د فعاليتونو د کتنې په ترڅ کې د ښه امنيت د تامينولو په خاطر د مسوولينو په جدي هلو ځلو ټينګار وکړ.
د هرات ولايت سرپرست له اصنافو او کسبګرو سره د خبرو په ترڅ کې د هغوى ستونزې واوريدې او په ورځنيو معاملوکې يې د عدل د رعايتولو غوښتنه وکړه.
دغه راز هټيوالو هم د ښار په کچه د موجود نظم او دغه راز د امنيت د تامينولو په لاره کې د مسوولينو د اقداماتو او له خلاف کارو کسانو سره دچلندپه خاطر د امنيتي مسوولينو فعاليتونه وستايل .
د هرات ښاروالۍ مسوولين وايي: د اختر په ورځوکې يې خلکو ته د اړتيا وړ توکو د وړاندې کولو په مقصد مشخص ځايونه تدارک کړي دي.
