-کابل باختر د لړم يوولسمه :
د هرات د فوټبال د دويم لاس سياليو نن سهار په يوې لوبې سره دوام وکړ .
د هرات د فوټبال فدراسيون تخنيکي مسوول نجيب الله نوروزي د باخترآژانس خبريال ته وويل چې په دې پړاوکې د آرش ټيم د يوې په وړاندې په دوو سره دهرات باستان ټيم ته ماتې ورکړه .
د نوروزي د څرګندونوله مخې: دفوټبال ددويم لاس غوره سيالۍ د دولسو ټيمونو په ګډون په هرات ولايت کې پيل شوې دي چې هر سهار دوام مومي .
نوروزي زياته کړه: ټاکل شوې ده د دغوسياليو په دوام سبا د آزادي او باختر ټيمونه لوبه وکړي.
د يوبل خبر له مخې:
په هرات ولايت کې د فوټبال د لومړي لاس غوره سيالۍ نن مازيګر د آريانا او هيري د ټيمونو په لوبې سره دوام مومي .
دغه سيالۍ د لسو ټيمونو په ګډون پل شوې دي چې په اوونۍ کې درې ورځې دوام مومي .
دغه راز د هرات د فوټبال دغوره ليګ سيالۍ پرون مازيګر د استقلال او پيمان د ټيمونو په لوبې سره دوام وکړ .
په دې لوبه کې د استقلال ټيم د صفر په وړاندې په دوو سره د پيمان ټيم ته ماتې ورکړه .
د فوټبال د غوره ليګ سيالۍ د اتو ټيمونو په ګډون په هرات ولايت کې پيل شوې دي .
