دکابل _ قندهار د لويې لارې په اوږدو کې ديو لړ ترافيکي پيښو له امله داتو تنومسافرينو وژل کيدل

دقلات ښار باختر دوري دمياشتې ٣ نيټه :
اته تنه  مسافران  د کابل _ قندهار د لويې لارې په اوږدو کې د يو لړ ترافيکي پيښو له امله ووژل شول او ١٣تنه  نور ټپيان شول .
دغه پيښې په تيرو ٢٤ ساعتو کې ددريو ګړنديو موټرونو د  ټکر له امله رامنځته شوي دي.
د کابل _ قندهار د لويې لارې دترافيکو يوه  مسوول باخترآژانس ته وويل ؛          په دغو ترافيکي پيښو کې اته تنه مسافران  ووژل شوې او څه ناڅه ١٣ تنه نورټپيان شوي دي.
ده د موټر چلوونکو بي احتياطي او ګړندى تګ  ددغو پيښو اصلي عامل وباله.
دغه راز  د زابل ، غزني او قندهار د ولايتونو درغتونونو ډاکتران وايي ددغو ترافيکي پيښود څه ناڅه شپږ تنو ټپيانو روغتيايي حالت دانديښنې وړ دى.
پاى ذکرالله