کابل باختر د زمري پنځه ويشتمه :
دلوړو زده کړو وزارت اودکابل پوهنتون دمشرتابه هيئت د ډاډ ګيرنې او همدردۍ پيغام .
په خواشيني سره خبر ترلاسه شو چې دکابل پوهنتون دژورناليزم پوهنځي پخوانۍ استاد پوهاند حبيب الرحمن هاله په استراليا کې دمهاجرت په ټاټوبې کې وفات شو .
دلوړو زده کړو وزارت او دکابل پوهنتون دمشرتابه هيئت دخپلې ډاډګيرنې او غمشريکي مراتب داراواښاد کورنۍ ، استادانو محصلانو او نورو دوستانو او خپلوانو ته يې څرګندوي او دلوى خداى( ج ) له دربار څخه ارواښاد ته دفردوس جنت او دده کورنۍ او خپلوانو ته دجميل صبر هيله کوي .
دارواښاد هاله فاتحه دلوړو زده کړو او داطلاعاتو اوفرهنګ دوزراتونو ، کابل پوهنتون ، دژورناليستانو دملي اتحاديې ، دکوهدامن شورا او دارواښاد دکورنيو او دوستانو له خوا دروان کال دزمري دمياشتې په نهه ويشتمه نيټه ديکشنبې دورځې له غرمې وروسته له يوې نيمې بجې څخه تر درې نيمو بجو پورې دکابل ښار په څلورمه کارته کې دشيرشاه سوري په جامع جومات کې اخستل کيږي .
