کابل – باختر دتلې دمياشتې ١٥
په هرات ولايت کې د دويم لاس فوټبال سيالۍ نن سهار په يوې لوبې سره پيل شوې.
دهرات ولايت دورزشي آمريت مرستيال ضيا الحق ضيا دباختر آژانس خبريال ته وويل: په دې لوبه کې د پيروزي ټيم ديوې په مقابل کې په څلورو سره د باختر ټيم ته ماتې ورکړه.
دغه سيالۍ په دغه ولايت کې د دويم لاس د دولسو ټيمونو ترمنځ ترسره شوي دي .
ديوبل خبرله مخې : په هرات ولايت کې دولسواليو دجام فوټبال سياليو پرون مازيګر په يوې لوبې سره دوام وموند.
دهرات ولايت د ورزشي آمريت مرستيال ضيا الحق ضيا باختر آژانس ته وويل:
په دې لوبه کې دغوريان ال ټيم ديوې په مقابل کې په لسو سره چشت شريف ټيم ته ماتې ورکړه.
دغه سيالۍ په هرات ولايت کې د اوولسو ټيمونو ترمنځ پيل شوي دي چې په دوام يې ټاکل شوې ده نن دپښتون زرغون او اوبې ټيمونه سره لوبه وکړي.
