دپوهنې داستقلال ټيم داتحاد تيم ته ماتې ورکړه .
کابل باختر د مرغومي څلورمه
دهرات دفوټبال دغوره ليک دسياليو شپږمه اوونۍ پرون په يوې لوبې سره پيل شوه . دهرات ولايت ورزشي آمر عبدالقيوم جامي باختر اژانس ته وويل: په دې لوبه کې دپوهنې داستقلال ټيم ديوې په مقابل کې په دريو سره داتحاد غوريانو ټيم ته ماټې ورکړه ټاکل شوې ده ددغو سياليو په دوام نن دانصاري او اريانا ټيمونه لوبه وکړي .
ديوبل خبر له مخې ، دهرات ددولتي ادارو دټيمونو ترمنځ دواليبال سياليو پرون په يوې لوبې سره دوام وموند .
دهرات ولايت ورزشي آمر عبدالقيوم جامي باختر اژانس ته وويل په دې لوبه کې دهرات ښاروالۍ ټيم ددوو په مقابل کې په دريو سره دظفر قول اردو ټيم ته ماتې ورکړه. دغه سيالۍ دشپږو ټيمونو ترمنځ په دغه ولايت کې پيل شوي دي چې په دوام يې نن دالمپيک او دهرات دعامې روغتيا ټيمونه لوبه کوي .
