اسلام آباد ډي ډان / باختر دزمري دمياشتې ٢٦ :
دپاکستان يوه جنګي جټ الوتکه نن سهار ددغه هېواد دپنجاب ايالت په سرګوده
سيمه کې وغورځيده.
دپاکستان د هوايي ځواکونو دڅرګندونوله مخې ؛ دغه الوتکه له يوه آزمايښتې الوتنې وروسته د بيرته ستنيدو په وخت کې په سرګوده سيمه کې وغورځيده او پيلوټ يې له دغې پيښې څخه ژغورل شوى دى.
دغه الوتکه اف ٧ بي جې ډوله الوتکه وه چې په چين هېواد کې جوړه شوې ده او له ٢٠٠٢ ميلادي را په دې خوا په لسګونو دغه شان نورې الوتکي دپاکستان دهوايي ځواک په واک کې ورکړ شوي دي.
تيره اوونۍ هم دپاکستان يوه بله جنګي الوتکه د تخنيکي ستونزې له امله په پنجاب ايالت کې وغورځيده او پيلوټ يې وژغورل شو.
