دياغيانو په زرګونو کيلوګرامه چاوديدونکي توکې کشف شول

کابل – باختر آژانس دتلې ١١
دياغي طالبانو پنځه زره کيلوګرامه چاوديدونکي توکې پرون په پکتيکا ولايت کې دعملياتو په بهير کې کشف شول.
ويل کيږي: ياغي طالبانو دغه توکې دماينونو په جوړولو،ځان مرګو بريدونو او نور ترورستي بريدونوکې کارول .
دغه چاوديدونکي توکې دشرنې ښاردکړوخيلو په سيمه کې دياغي طالبانو دماين جوړولو په يوه دستګاه کې کشف شوې دى.
د٢٠٣ تندر قول اردو د دويمې لوا قوماندان بريد جنرال زمرى باختر آژانس ته وويل چې دچاوديدونکو توکو دغه ستره زيرمه دجوړولو وسايلو سره دکشفي اطلاعاتو او دخلکو په همکارى کشف شوى ده.
د رارسيدلو خبرونو له مخې: ياغيانو دغه چاوديدونکي توکې له پاکستان څخه دپکيتکا ولايت ته وليږدولي وو.
دسيمه ييزو مقاماتو دڅرګندونو له مخې، دچاوديدونکو توکو ددغې زيرمې دکشفولو په بهيرکې ياغيان په سيمه کې نه وو.