کابل/ د ليندۍ١٠ مه/ باختر
په قندهارکې د پوځيانو په بريدونوکې د وسله والو طالبانو ١٣غړي ووژل شول او يوشمېرنوريې ټپيان شول.
پر دغو طالبانو تېره شپه په معروف او شلوارک ولسواليوکې بريدونه وشول.
د هېواد په جنوب کې د اتل قول اردو يوه قوماندان باختر آژانس ته وويل چې په بريدونوکې ١٣وسله وال طالبان وژل شوي او يو شمېر نوريې ټپيان شوي دي.
هغه وويل چې دغه وسله وال طالبان د يولړ ډار اچوونکو بريدونو په ترسره کولو بوخت وو چې بريدونه پرې وشول.
ويل کېږي د پوځيانو په بريدونوکې پوځيانو او ملکي وګړو ته زيان نه دى اوښتى.
په يو بل خبر کې ويل شوي دي چې د قندهار پوليسو د دغه ولايت له ګڼ مېشتو لارو څخه د١٦ ماينونو په کشف سره د يولړ چاودنو مخه ونيوله.
وسله وال طالبان د دغو ماين ښخونو عاملين بلل شوي دي.
پاى ذ
