دوه طالبان په غور کې له پوځیانو سره په نښته کې ووژل شول
فیروز کوه / د غبرګولي / ۱۹/ باختر
دوه وسله وال طالبان تېره شپه په غور کې له پوځیانو سره په نښته کې ووژل شول .
د ۲۰۷ ظفر قول اردو مطبوعاتي دفتر باختر اژانس ته خبر ورکړ چې دغه وسله وال طالبان د غور ولایت د تولک ولسوالۍ په مربوطاتو کې له امنیتي او دفاعي ځواکونو سره په نښته کې ووژل شول .
خبر ځای زیاته کړه چې په دې نښته کې ۵ نور وسله وال طالبان ټپیان شول او د دوی پنځه موټر سایکلونه او یوه اندازه جنګي وسایل ویجاړ شول.
پای/ سعیده
