دوه سوه نهه طالبان ووژل شول
کابل / د چنګاښ ٢مه / باختر
د ملي دفاع وزارت وايي په تېرو ٢٤ ساعتو کې له امنيتي ځواکونو سره په نښتو کې د وسله والو طالبانو ٢٠٩ غړي ووژل شول.
په هغې خبرپاڼه کې چې نن د ملي دفاع وزارت مطبوعاتي دفتر خپره کړې ويل شوي دي په دې موده کې د دغې ډلې ١٢٩ نور جګړه ماران ټپيان او د هغوى يو زيات شمېر وسلې او مهمات هم له منځه وړل شوي دي.
د وسله والو طالبانو دغو جګړه مارانو ته په لوګر، ننګرهار، قندهار، فراه ، هرات، بلخ، هلمند، کندز، بغلان او کاپيسا ولايتونو کې له امنيتي ځواکونو سره په نښتو کې مرګ ژوبله اوښتې ده.
د ملي دفاع وزارت دغه راز ويلي دي د هېواد په بېلابېلو سيمو کې يې ١٥ ډول ډول ماينونه چې وسله والو طالبانو د امنيتي ځواکونو او ملکيانو د وژلو په موخه ځاى پرځاى کړي و، کشف او شنډ کړاى شوي دي.
ذ
