کابل – باختر د لړم دمياشتې ٩
د پروان ولايت په مرکز چاريکارو ښارکې د غير مسوولو وسله والوکسانو ترمنځ د جګړې له امله دوه تنه ټپيان شول .
د پروان د والي وياند وحيد صديقي د دغه خبر په تاييدولو سره د باختر آژانس خبريال ته وويل: دغه پيښه نن هغه وخت رامنځته شوه چې غير مسوولو وسله والو کسانو د پوليسو په دريمې امنيتي حوزې پورې اړوند د صادقي په کوڅه کې وسله واله نښته وکړه چې له امله يې دوه تنه ټپيان شول.
ده د دغې پيښې علت شخصي دښمني وبلله او زياته يې کړه چې تر اوسه پورې څوک نه دى نيول شوى او پيښه ترڅيړنې لاندې ده.
