ايبک/ باختر دزمري دمياشتې ١٦ :
د سمنګانو ولايت پوليسو ٨٢ کيلوګرامه نشه يي توکي ضبط کړل.
د سمنګانو ولايت امنيه قوماندان جنرال باقر باختر آژانس ته وويل: د دغه ولايت د امنيې قوماندانۍ له نشه يي توکو سره د مبارزې پوليسو پرون ٥٩ کيلوګرامه چرس او ٢٣ کيلوګرامه اپين چې په يو بار وړونکي موټرکې له بغلان ولايت څخه د بلخ ولايت ته روان و، د ايبکوښار د آق مراد د کمربند په سيمه کې ضبط کړل .
خبرځاى زياته کړه: د قضيې په اړوند دوه تنه د پوليسو له خوا نيول شوي دي.
