دولس طالبان په بلخ کې ووژل شول
کابل / د چنګاښ ۱۵مه / باختر
په بلخ کې تېرماښام ۱۲وسله وال طالبان د هوايي ځواکونو په بريدونو کې ووژل شول.
د بلخ د امنيې قومندانۍ وياند عادل شاه عادل باختر آژانس ته وويل چې دغه وسله وال طالبان د بلخ د دولت آباد ولسوالۍ په شاوخوا سيمو او د دغې ولسوالۍ د ملي امنيت د مديريت په ساحه کې د هېواد د هوايي ځواکونو په بريدونو کې ووژل شول.
عادل زياته کړه: په دغو بريدونو کې ۴ نور طالبان ټپيان شول او د هغوى څو موټر او موټرسايکلونه له منځه يوړل شول.
ختم-ج-ا
