کابل باختر د زمري ٢٤:
دوسله والو طالبانويو قوماندان له خپلو پنځو تنو افرادو سره په ننګرهار ولايت کې دملي امنيت دځواکونو په ناڅاپي بريد کې ووژل شول .
په دغو وسله والو طالبانو تيره شپه کله يې چې غوښتل دغني خيلو ولسوالۍ په ودانۍ او د جلال اباد – تورخم دلويې لارې په يوشمير امنيتي پوستو بريد وکړي دملي امنيت دځانګړو ځواکونو له کمين سره مخامخ شول .
دننګرهار دوالي وياند عطاالله خوږياڼي باختراژانس ته وويل چې په دې کمين کې دوسله والو طالبانو يو قوماندان له پنځو تنو افرادو سره يې ووژل شو .
ده وويل په دې بريد کې پوځيان او دسيمې اوسيدونکو ته زيان نه دى اوښتى .
ختم_ ج _ اکرم
