کابل باختر د تلي لسمه :
په هرات ولايت کې دفوټبال د دويم لاس دسياليو په دوام نن سهار دهيري او پيمان ټيمونو لوبه وکړه .
دهرات ولايت دورزشي آمريت مرستيال ضيا الحق ضيا باختراژانس ته وويل :
په دې سيالۍ کې دواړو ټيمونو ديوې په مقابل کې په يوې سره لوبه برابره پاى
ته ورسوله .
دغه سيالۍ ددولسو ټيمونو ترمنځ په دغه ولايت کې پيل شوي دي .
ديوبل خبر له مخې : دهرات ولايت د ولسواليو دفوتبال جام سياليو پرون مازيګر په يوې لوبې سره دوام وموند .
دهرات ولايت د ورزشي آمريت مرستيال ضيا الحق ضيا باختراژانس ته وويل : په دې لوبه کې دکهسان (ب ) ټيم د دوو په مقابل کې په څلورو سره د ادرسکن
ټيم ته ماتي ورکړه .
دغه سيالۍ چې د اوولسو ټيمونو ترمنځ په هرات ښار کې پيل شوي دي ټاکل شوې ده په دوام يې سبا د تورغنډي ولسوالۍ او دهرات دهوايي ډګر ټيمونه لوبه وکړي .
