کابل باختر د لړم نهمه :
دهرات پوهنتون محصلانو ته ليليه جوړه شوه .
دغه ليليه په معياري او عصري ډول جوړه شوې ده او ويل کيږي چې زر تنه محصلان پکې ځاييږي .
کتابتون ، پخلنځي ، دکنفرانس سالون ، تفريحي ځاى ، شنې او ښکلې ساحې ددغې ليليې جزئيات دي .
په هرات ولايت کې يوې سيمه ئيزې سرچينې دباختراژانس خبريال ته وويل چې دغه ليليه دمرستندويو بنسټونو په مرسته او دلوړو زده کړو وزارت له خوا جوړه شوې ده .
مخکې له دې ددولت په مليونونو افغانۍ دمحصلانو دليليې لپاره دکور دکرايې په خاطر ورکول کيدې .
ددغې ليليې په جوړيدو سره په سلګونو تنه محصلان داستوګنې لپاره دمناسب ځاى دنشتوالي له ستونزې څخه وژغورل شول .
