کابل / دلړم ٢٣مه / باختر :
دهرات والي عبدالقيوم رحيمي داطلاعاتواوفرهنګ رياست له هنرمندانو سره په کتنه کې ددغې لرغونې حوزې دبډاى فرهنګ اوتاريخي هويت په معرفي کولو کې دهنر اوهنرمندانو رول مهم وباله .
دغو هنرمندانو دسولې دهنري کاروان په ترکيب کې دهېواد اتو ولايتونو ته سفر کړى دى او ددغو ولايتونو خلکو او مسوولينو ته يې نندارې اجرا کړي دي .چې دخلکو له هرکلي سره مخ شوي دي .
دهرات والي دهنرمندانو رول وستايه او له هنرمندانوڅخه يې دجدي ملاتړ ، دتياتر دسالون دجوړولو او دهنر دودې لپاره دزمينو دبرابرولو په خاطر دخپلې قوي ارادې ډاډ ورکړ .
ټاکل شوې ده دغه هنرمندان په راتلونکو ورځو کې ترکمنستان ته سفر وکړي او دراستنېدو په وخت کې خپل هنري نندارې داختيار الدين په کلا کې اجرا کړي .
ختم_ ج _ اکرم
