دهرات دبنديانودنه خوړوداعتصاب دوام .
کابل باختر دتلي ١٣:
دهرات دبنديانودنه خوړو اعتصاب خپلې اوومې ورځې ته ورسيد .
دغه بنديان چې شميريې لسګونوتنو ته رسيږي له تيرې اوونۍ راپديخوا دهغه څه په غبرګون کې چې دخپلو دوسيو نه څيړل کيدل بولي ، دنه خوړو په اعتصاب لاس پورې کړي دي .
دوى دهيواد له نوې جمهور رييس څخه غواړي چې لارښوونه وکړي چې ددوى دمحکوميت څرنګوالي بيا وڅيړل شي . او هم دې ددغوبنديانو دوسيې وڅيړل شي .
يو له دغو بنديانوڅخه چې ويې نه غوښتل نوم يې واخستل شي دباختراژانس خبريال ته وويل زموږ دزياترو په باب د محکمې حکم ظالمانه دي او دغه راز هيڅکله زموږ دوسيې په شفاف ډول نه دي څيړلي شوي .
دغه بنديان چې په سياسي جرمونو بنديان دي ، دولت ته خبر داري ورکړى دى که چيرې ددوى دوسيې ونه څيړل شي اوهم ددوى دمحکوميت دحکم څرنګوالي بيا ونه کتل شي ، دوى به هماغه شان خپلې اعتصاب ته دوام ورکړي .
په همدې حال کې دهرات ولايت دمحکمې يو مسوول وايي دوى هلې ځلې کوي چې دخبرو له لارې دبنديانو اعتصاب پاى ته ورسوي .
له بلې خوا دهرات دجيل مسوولينو دڅه ناڅه پنځلسو تنو بنديانوروغتيايي حالت خراب وباله .
دهرات په مرکزي روغتون کې ډاکتران هم وايي که چيرې دبنديانودنه خوړو اعتصاب پاى ته ونه رسول شي ددوى دځينو دمړينې احتمال شته .
په هيواد کې دنوي حکومت په رامنځته کيدو سره په بيلابيلو ولايتونوکې په سلګونو تنه بنديانو په دې اميد چې دوسيې يې وڅيړل شي اوددوى دمحکوميت حکم بيا وڅيړل شي ، په اعتصاب لاس پورې کړي دي .
