کابل باختر د تلي ديرشمه :
دننګرهار ولايت داچين ولسوالۍ دسپين خوله دکلي په مربوطاتو کې دامنيتي ځواکونو دګډو عملياتو په دوام يوه اندازه وسله اومهمات ترلاسه شول .
د ٢٠١ سيلاب قول اردو مطبوعاتي دفتر باختراژانس ته خبر ورکړ.
د ٢٠١ سيلاب قول اردو دڅلورمې پلي لوا ، دملي پوليسو ، سرحدي پوليسو اودعامه نظم دپوليسو منسوبينو له څو ورځو راپديخوا دننګرهار ولايت داچين ولسوالۍ په مربوطاتو کې دسپين غر په نامه محاربوي اوچاڼيز عمليات پيل کړي دي چې لاتراوسه پورې هم دوام لري .
په تيرو څلورويشتو ساعتونوکې دننګرهار ولايت داچين ولسوالۍ دسپين خوله دکلي په مربوطاتوکې پنځه کلاشينکوفونه له شارژورنو سره يې دوه تومانچې درې يو ډزې ټوپکونه ، شپږ شارژورونه ، يوه پرتله او يوه اندازه چاوديدونکي توکي ترلاسه شوي دي .
دوسله والو مخالفينو له شتون څخه دنورو سيمو دپاکولو په مقصد عمليات دوام لري .
