کابل باختر دزمري ١١:
دهرات ولايت دامنيې قوماندانۍ له نشه يي توکوسره دمبارزې پوليسو په هرات ښار کې دنشه يي توکو دپلورنې د دوو مليونو درې سوه زرو افغانيو په کشف او ضبطولو بريالي شوي دي .
دهرات ولايت امنيه قوماندان جنرال محمد ايوب انصاري وويل چې قاچاق وړونکو غوښتل له دغو پيسو څخه په هرات ښار کې دنشه يي توکو د پيرودنې او پلورنې په لاره کې استفاده وکړي .
تيره اوونۍ هم دهرات ولايت دامنيې قوماندانۍ له نشه يي توکو سره دمبارزې پوليسو په هرات ښار کې د نشه يي توکو دپلورنې د عوايدو يو مليونو شپږ سوه زره افغانيو په کشفولو بريالي شوي و .
ديادونې وړ ده چې دنشه يي توکو له قاچاق وړونکو څخه ترلاسه شوې پيسې داساسي قانون له مخې ضبط او په بانک کې تحويليږي .
