دناټو دځواکونو په کاروان دماين بريد وشو
کابل- باختر دلړم دويمه
په لغمان ولايت کې دناټو دځواکونو په کاروان بمي بريد وشو خو په دې پيښه کې هغوى ته زيان نه دى اوښتې .
دغه پيښه نن سهار هغه وخت رامنځته شوه چې دناټو دځواکونو يو کاروان دلغمان ولايت دمهترالام ښار څخه کله ګوش ته روان و دلغمان دوالي ويندوى باختر آژانس ته وويل په دې پيښه کې دناټو د ځواکونو يو ټانګ ويجاړ شوي دى خو دهغوى ځواکونو ته زيان نه دى اوښتې .
په همدې حال کې عيني شاهدانو باختر آژانس ته وويل دناټو هليکوپترونه يي ليدلې دي چې دپيښې له سيمې څخه يې ټپيان ليږدول دغه راز په خبرونو کې ويل شوي دي چې دناټو هوايي ځواکونو په کله ګوش مهترالام او دلغمان په يو شمير نورو سيمې بريدونه کړې دي چې تراوسه پورې دسرزيان په باب يې خبرنه دى ترلاسه شوي.
