دملي دفاع وزارت : د فراه په بالابلوک ولسوالۍ کې ډاراچوونکو ته د سر دروند زيان واوښت
کابل باختر دوري دمياشتې ٧ نيټه :
د ملي دفاع وزارت خبرځايونه وايي چې په تيرو٢٤ساعتوکې دکوماندودځانګړو ځواکونو او دامنيتي او دفاعي ځواکونو په هوايي او ځمکنيو بريدونو کې شپږ ويشت تنه ډاراچوونکي ووژل شول.
د باختر آژانس د خبرله مخې ؛ د ملي دفاع وزارت د وياند مرستيال بريدجنرال محمدرادمنش چې نن يې دحکومت د اطلاعاتو او رسنيو په مرکز کې خبرې کولې وويل ؛ له دغو وژل شويو کسانو څخه ١٢ تنه يې د فراه ولايت په مرکز او خاک سفيد ولسوالۍ کې ، شپږ تنه د روزګان ولايت په مرکز ترينکوټ کې ، څلورتنه د هلمند ولايت په ګرشک ولسوالۍ کې ، درې تنه دفارياب ولايت په پښتون کوټ ولسوالۍ کې او يوتن بل ډار اچوونکي د غزني ولايت په مقر ولسوالۍ کې وژل شوي دي.
د دغوشپږويشتو تنو ډاراچوونکو په وژلو برسيره شل تنه نور ډاراچوونکي په دغوعملياتوکې ټپيان شوي او د دوو تنو مشکوکوکسانوپه ګډون ١٧ تنه نيول شوي دي.
دغه راز دملي اردو د انجينرۍ ټيم په تيرو ٢٤ ساعتو کې ٣٨ ماينونه چې دوسله والو ډاراچوونکوله خواپه ځينو ځايونو کې ځاى پرځاى کړاي شوي و کشف اوشنډکړل.
رادمنش وويل دغه راز يوولس يرغليز عمليات د دفاعي او امنيتي ځواکونو له خوا په لسو ولايتونو کې دوام لري او دکوماندو دځواکونو قطعاتو ٦٩ يرغليز عمليات په تيرو ٢٤ ساعتو کې په يوشميرولايتونو کې ترسره کړي او د دښمن په سنګرونو د هوايي ځواکونو له خوا هم شپږ ځپنده ګوزارونه ترسره شوي دي.
دملي دفاع وزارت د وياند مرستيال دامنيتي او دفاعي ځواکونو دغه عمليات په ننګرهار، پکتيا ، روزګان ، فراه ، بادغيس ، فارياب ، بغلان ، بدخشان اود هلمند په ولايتونوکې له لاسته راوړنو ډک وبلل او دغه عمليات په برياليتوب سره دوام لري.
پاى ذکرالله
