دملي اردو څلور تنه عسکر په شبرغان ښار کې شهيدان شول .
کابل _باختر دوري اته ويشتمه :
وسله والو طالبانو دملي اردو څلور تنه افراد دشبرغان ښار په مربوطاتو کې شهيدان کړل .
دملي دفاع وزارت ويندوى جنرال عظيمي باختراژانس ته وويل پرون دوري دمياشتې په اووه ويشتمه نيټه دسه شنبې په ورځ د ٢٠٩ شاهين قول اردو څلور تنه منسوبين چې په ملکي جامو سره له وسلې پرته ديو کرولا ډوله موټر په سپرلۍ خپلو کورونو ته روان و دخواجه دوکو په سيمه کې دوسله والو مخالفينو له خوا اسيران شول او تيره شپه په ناځوان مردانه ډول او دټولو اسلامي اصولو او نړيوالو پرنسيبونوپرخلاف شهيدان شول .
دملي دفاع وزارت دافغانستان دخلکو ددښمنانودغه ناوړه ډارن او ناځوانمردانه عمل په ډيرو سختو الفاظوسره غندي اوژمنه کوي چې عاملين يې دقانون اوعدالت منګولو ته سپاري .
دغه پيښه په داسې حال کې رامنځته کيږي چې څه موده مخکې دملي اردو يوولس تنه عسکر له هغه وروسته چې دبدخشان په وردوج کې دطالبانو د ډلې له خوا اسيران شول ، ووژل شول .
