کابل باختر د غبرګولي نهه ويشتمه :
دملي اردو څلور تنه سرتيري پرون دوسله والو طالبانو په ډلې پورې داړوندو کسانوپه بريد کې شهيدان شول .
په دغو سرتيرو کله يې چې غوښتل خپلو ملګروته دڅښاک اوبه برابرې کړي دلارې په اوږد کې دسرپل ښار ته څيرمه په بلغلي کلي کې د ډار اچوونکو له خوا بريد وشو .
دسرپل ولايت امنيه قوماندان جنرال خليل الله دستيار باختراژانس ته وويل چې دطالبانو په دې بريد کې دملي اردو څلور تنه سرتيري شهيدان شول .
ده تاييد کړه چې طالبانو ددغه بريدپه بهير کې دپوځيانو يو ټانک له ځان سره وړي دي .
دستيار زياته کړه چې ددغو ډار اچوونکو دموندلو لپاره هلې ځلې پيل شوې دي .
