قاهره- وى او اې – باختر دکب دمياشتې ١١ په ناڅاپي ډول دمصر دحکومت له استعفا وروسته چې يوه اوونۍ مخکې وشوه ددغه هيواد نوي حکومت پرون د وفادارۍ لوړه وکړه. دمصر دجمهوري رياست کفيل عدلي منصور تيره اوونۍ ابراهيم محلب ددغه هيواد دصدراعظم په توګه وټاکه او کابينه يې جوړه کړه . ده په نوې کابينه کې د پخوانۍ کابينې دوه تنه وزيران د مصر د اردو عمومي قوماندان جنرال عبدالفتاح السيسى د دفاع د وزير او محمد ابراهيم د کورنيو چارو دوزير په توګه ټاکلي دي . ابراهيم محلب د مصر دپخواني جمهور رييس محمدحسنى مبارک په د وران کې دلارو او ودانيو د دولتي سازمان رييس و او په هغه حکومت يې چې د تيرې دوشنبې په ورځ يې استعفا وکړه د ښارجوړولو دچارو وزير و . ده په خبرې کنفرانس کې ژمنه وکړه چې د مصر په ګوټ ګوټ کې کې به تروريزم وځپى او امنيت به ټينګ کړي . ديادونې وړ ده چې د روان کال دچنګاښ له مياشتې څخه تراوسه پورې چې دمصر اردو محمد مرسي دجمهوري رياست له مقام ګوښه کړ حازم ببلاوي ددغه هيواد لنډمهال صدراعطم و.
