کابل – باختر دکب دمياشتې ٧
د مدني ټولنې يو شمير فعالينو ، ورځپاڼه ليکوونکو او کابل ښاريانو نن دلاريون په ترڅ کې له حکومتي مقاماتو څخه وغوښتل چې دوسله والو مخالفينوپه وړاندې څرګند دريځ غوره کړي او د امنيتي مرکزونو او دشهيدانو د وارثانو ملاتړ وکړي.
دباختر آژانس دخبريال دخبرله مخې : دمدني ټولنې يو زيات شمير فعالينو ، ورځپاڼه ليکوونکو او کابل ښاريانو نن د نوي ښار په پارک کې په راټوليدو سره دپاکستان داستخباراتو دګوډاګيانو له خوا د کونړ ولايت په غازى آباد ولسوالۍ کې د ملي اردو د ٢١ تنو سرتيرو دشهادت دعاملينو دغندلو په ترڅ کې له حکومتي مقاماتو څخه وغوښتل چې د دولت دوسله والو مخالفينو او له طالبانو سره د سولې دخبرو په وړاندې مشخص دريځ غوره کړى او د طالبانو ورور بلل توجيه او په دې باب دې خلکو ته څرګند ځواب ورکړي .
اعتراض کوونکو دغه راز دافغانستان له حکومت څخه وغوښتل چې د کونړ ولايت په غازى آباد کې دملي اردو دځواکونو د ميړانې د درناوي په خاطر ددغو شهيدانو او دهيواد د دفاع د لارې دنورو شهيدانو له وارثانو سره مرسته وکړى او دهغوى دفاع وکړي او دامنيتي ځواکونو دسمبالولو او دوسله والو کولو په نسبت دقيق پروګرامونه جوړ کړي .
دغه مظاهرې په داسې حال کې کيږي چې تيره شپه هم د مدني ټولنې يو شمير فعالينو،درسنيو کارکوونکو او کابل ښاريانو په ورته لاريون ته لاس پورې کړى و.
