دفاع وزارت: په لغمان کې د قومندانانو په ګډون ۱۱۰ طالبانو ته مرګ ژوبله واوښته
کابل/ د غبرګولي ۳ مه/ باختر
ملي دفاع وزارت وايي چې د لغمان په مرکز، الیشنک او الینګار ولسوالیو کې د ګډو افغان ځواکونو د عملیاتو پر مهال د مهمو قومندانانو په ګډون ۱۱۰ وسله والو طالبانو ته مرګ ژوبله اوښتې ده.
له ملي دفاع وزارت څخه په خپره شوې خبرپاڼه کې ویل شوي چې تېره شپه افغان ځواکونو د لغمان په بېلابېلو سیمو کې عملیات پیل کړي دي.
سرچینه زیاتوي چې په عملیاتو کې د مهمو قوماندانانو په ګډون ۵۰ طالبان وژل شوي او ۶۰ نور یې ټپيان شوي دي.
طالبانو په دې اړه څه نه دي ویلي.
وصال
