کابل باختر د وري ديرشمه
دافغانستان داسلامي جمهوريت دجمهور رييس حامدکرزي په مشري دعدلي او قضايي کميټې غونډه نن له غرمې مخکې په ارګ کې جوړه شوه .
باختر اژانس ته دجمهوري رياست دمطبوعاتي دفتر دمعلوماتو له مخې ، په دې غونډه کې دامريکا له متحده ايالاتو سره د ستراتيژيکي همکاريو د سند دمسودې په باب خبرې وشوې .
دافغانستان د حکومت مرکچي هيئت او دهيواد دعدلي او قضايي ارګانونو چارواکو دامريکا له متحده ايالاتوسره د ستراتيژيکي همکاريو دسند په برخه کې خپلې نظريې دهيواد له جمهور رييس سره طرحه کړې .
ديادونې وړ ده چې په دې غونډه کې د جمهوري رياست مرستيالانو ، قاضي القضات او دستري محکمې سرپرست ، دملي امنيت سلاکار ، دماليې او عدليې وزيرانو ، دملي امنيت لوى رييس ، داساسي قانون پرتطبيق باندې دڅارنې دکميسيون رييس ، دليږدونې دکميسيون رييس او د جمهور رييس حقوقي سلاکار برخه درلوده .
