کابل باختر د تلي لسمه :
د قندهار ولايت په شاه ولي کوټ ولسوالۍ کې دملي پوليسو ، ملي اردو اوملي امنيت دځواکونو په خاصو عملياتوکې دطالبانو په ډلې پورې اړوند شپږ تنه وسله وال مخالفين ووژل شول .
دکورنيو چارووزارت مطبوعاتي دفتر باخترآژانس ته خبرورکړ : دغه عمليات چې پرون مازيګر دطالبانو له شتون څخه دقندهار ولايت دشاه ولي کوټ ولسوالۍ دسيمو دپاکولو په مقصد ترسره شوي و دهيواد امنيتي ځواکونو ته دسرزيان نه دي اوښتى ..
دطالبانو په ډلې پورې اړوند د وسله والو مخالفينو مړي له يوې اندازې جنګي وسايلو او دوسايطو ضد دوو ماينونو سره دپيښې په سيمه کې پاتې دي .
دغه شپږ تنه وسله وال مخالفين ددغي ولسوالۍ او دقندهار ولايت په مربوطاتو کې په ځينو ناامنيو کې فعال رول درلود چې د ډآر اچوونکو ډلو په ځپلوسره به دقندهار ولايت په ځينو سيمو او ددغې ولسوالۍ په مربوطاتو کې امنيت ښه شي .
