ميرانشا ډي ډان باختر دتلې دمياشتې ٧
دشمالي وزيرستان په قبايلي سيمه کې ديوې بې پيلوټه الوتکې دبريد له امله نن درې تنه ياغيان ووژل شول.
دباختر آژانس دخبرله مخې : دغه بريد دشمالي وزيرستان مرکز دميرامشاه شمال په اووه کيلومترۍ په ګامندي ناحيه کې وشو.
دغه ناحيه په القاعده پورې اړوند دطالب ياغيانو پټنځاى دى .
يو امنيتي مامور چې ونه غوښتل نوم يې واخستل شي وويل : په دې بريدکې دوه توغندي دياغيانو په پټنځي وتوغول شول چې له امله يي درې تنه ياغيان ووژل شول.
يوه بل سيمه ييز مامور ددغو تلفاتو شمير څلور ښودلى دى .
