کابل/ د ليندۍ١٠ مه/ باختر
درې وسله وال طالبان په روزګان کې له پوځيانو سره په جګړه کې ووژل شول او دوه نوريې ټپيان شول.
جګړه تېره شپه تيرينکوټ ښار ته څېرمه هغه وخت رامنځته شوه چې وسله والو طالبانو د پوځيانو پر کاروان بريد وکړ.
د هېواد په جنوب کې د اتل قول اردو يوه قوماندان باختر آژانس ته وويل: په نښته کې درې وسله وال طالبان ووژل شول او دوه نوريې ټپيان شول.
هغه وويل: په جګړه کې پوځيانو او ملکي وګړو ته زيان نه دى اوښتى.
په يو بل خبرکې ويل شوي دي چې د روزګان پوليسو د دغه ولايت له ګڼ مېشتو لارو څخه د لسو ماينونو په کشف سره د يولړ چاودنو مخه ونيوله.
تر اوسه د دغو ماين ښخونو په اړوند څوک نه دي نيول شوي .
پاى ذ
