درې تنه ځانمرګي يرغلګر په هوايي بريد کې ووژل شول .
کابل باختر د تلي اوولسمه :
ګډو ځواکونو په غزني ولايت کې ددريو تنو ځانمرګو يرغلګرو په ګډون اووه تنه وسله وال مخالفين وژلي دي .
دباختراژانس دخبر له مخې ، په هغې خبرپاڼه کې چې په دې اړوند دملي دفاع وزارت دويندوى دمطبوعاتي دفتر له لارې خپره شوې ده ، ويل شوي دي . دغزني ولايت دګيرو ولسوالۍ په مربوطاتو کې دملي اردو او دملي پوليسو دمنسوبينو په ګډوفعاليتونوکې چې دائتلاف دځواکونو په همکارۍ ترسره شول درې تنه ځانمرګي يرغلګرچې په يوه صرف موټر سپاره و ، ووژل شول .
دغه راز دزابل ولايت دنوبهار او دهلمند ولايت دسنګين دولسواليو په مربوطاتو کې دملي اردو دمنسوبينو دعملياتو په بهير کې څلور تنه وسله وال مخالفين ووژل شول ، يو تن ټپي او يوه اندازه وسله اومهمات ترلاسه شول .
