کابل – باختر د لړم دمياشتې ٩
د لوګر ولايت پوليسو درې تنه ماين ښخوونکي نن سهار ونيول.
د لوګر ولايت د امنيې قوماندانۍ مطبوعاتي دفتر باختر آژانس ته د يوې اعلاميې په ليږلو سره ويلي دي: درې تنه ماين ښخوونکي چې غوښتل يې د دغه ولايت د محمد آغې ولسوالۍ د قلعه دشت واله په لاره کې ماين ښخ کړي؛ د لوګر ولايت د امنيې قوماندانۍ له تروريزم سره د مبارزې د مديريت د پوليسوله خوا ونيول شول.
ويل کيږي؛ نيول شويوکسانو په لومړنيوتحقيقاتو کې اعتراف کړى دى چې غوښتل يې د دغو ماينونو په ښخولو سره د دولتي ځواکونو وسايط وچوي.
