کابل باختر د تلي لسمه :
درې تنه وسله وال طالبان تيره شپه په سرپل ولايت کې ووژل شول او درې تنه نور يي ټپيان شول .
دسرپل ولايت امنيه قوماندان عبدالروف تاج باختراژانس ته وويل : وسله والوموټر سايکل سپرو طالبانو په سرپل ښار پورې اړوند دبوغوي په کلې کې په يوې امنيتي پوستي بريد وکړ چې له امله يې درې تنه طالبان ووژل شول او ددوي ديو سرګروپ ملا نسيم په ګډون درې تنه نور يې سخت ټپيان شول .
دسرپل دامنيتي قوماندانۍ دامنيت آمر سخيداد حيدري وويل : دغو کسانو دسانچارک دلارې په اوږدوکې ملکي خلک ځورول او له هغوى څخه په جبري ډول باج اخيسته .
حيدري زياته کړه نور موټرسايکل سپاره طالبان له سيمې څخه وتښتيدل .
