ددشت قلعه دکوکچې ټيم په تخار کې دواليبال دسياليو فاتح شو .

-کابل باختر د وري اتلسمه :
دواليبال هغه  تورنمنت چې دتخار ولايت داړوندو ولسواليو داتو ټيمونو په ګډون دسولې په نامه په دشت قلعه ولسوالۍ کې  پيل شوى و ددشت قلعه دکوکچې ټيم په اتلوالى  سره پرون پاى ته ورسيد .
دتخار ولايت ورزشي امر نقيب الله جليلي   باختراژانس ته وويل چې  دغه لوبې دکلفګان  ، بهارک ، خواجه غار ، رستاق  او ددشت قلعه دولسواليو او دتالقانو ښار دخطايانو د ټيمونو ترمنځ ددوو ورځو لپاره ترسره شوې چې ددشت قلعه دکوکچې ټيم په اتلوالى  سره پاى ته ورسيدې .
  ده وويل چې ددغوسياليو دويم او دريم مقامونه دګلفګان  ولسوالۍ او دتالقانوښار دخطايانو ټيمونو ترلاسه کړل .
  جليلي ددغوسياليو دترسره کولو موخه دسوله ئيز فرهنګ او ددغه ولايت دځوانانو ترمنځ ديوبل منلو رواجول  وبلل .   ختم_ عطاالله _اکرم