کابل باختر د وري دولسمه
د ناتو دځواکونو په نفتي موادو بار يو موټر تيره شپه دبغلان ولايت په مربوطاتو کې د طالبانو له خوا وسوځول شو .
ددوشي ولسوال شمس الدين سرحدي باختر اژانس ته وويل ، دغه کاروان چې دپلخمري _ دوشي له لارې دشمالي سالنګ په لور روان و دکيله ګي دسنګ سوراخ دکلي په ساحه کې د وسله والوطالبانو له خوا بريد وشو چې له امله يې دتيلو يو ټانکر وسوځيد او چلوونکي يې ټپي شو .
ددوشي ولسوال وويل، پوليس د پيښې په باب د خبر له ترلاسه کولو سره سم اقدام وکړ او د نورو وسايطو د سوځيدو او ويجاړيدو مخه يې ونيوله او طالبان له سيمې څخه وتښتيدل .
پخوا هم دطالبانو له خوا په دغه ساحه کې څو ځلې دناتو په اړتياوړ مالونو بار کاروانونو بريد شوي دي .
