کابل باختر د کب اوولسمه :
په نوي کال کې دلوګر ولايت دکرنې اواوبو لګولو رياست بڼوالو ته څه ناڅه يوسلو درې ديرش زره ميوه لرونکي نيالګي ويشي .
دلوګر ولايت دکرنې او اوبو لګولو رييس محمد دين مومند د باختراژانس خبريال ته وويل په دغو نيالګيو کې بادام ، زردآلو ، مڼې ، الوبالو ، ګيلاس ، شفتالو اوناک شامل دي چې په سلو کې په پنځوس تخفيف سره بزګرانو ته ويشل کيږي .
ده زياته کړه ټاکل شوې ده دنوي کال په بهير کې په ١١٠٠ جريبه ځمکه کې نوي بڼونه جوړ شي .
دکرنې او اوبو لګولو رياست دبڼوالى دملي پروګرام مسوول سيفي الله وايي په ١٣٩٥ کال کې په لوګر کې پنځه زره بڼونه چې دله منځه تلو له خطرسره مخامخ و بيا احيا شوې دي او دمميزو دساتنې پنځه څلويښت خونې او داوبو پنځلس زيرمې جوړې کړي دي .
دلوګر والي محمد حليم فدايي چې دامنيه قوماندان او له نورو دولتي ادارو سره دويشلو په سيمه کې ګډون کړى و وويل هره نيالګى چې بڼوال کښينوي بايد دسولې نيالګى وي .
