امنیت

دبغلان پوليسوڅه دپاسه دوه سوه ليتره تيزاب چې د هيروئينوپه جوړولوکې کارول کيږي؛ ضبط کړل

کابل باختر دمرغومي اتمه :
دبغلان ولايت پوليسو نن څه دپاسه دوه سوه ليتره تيزاب چې د هيروئينو د پودر په جوړولوکې کارول کيږي؛ کشف او ترلاسه کړل.
د بغلان ولايت امنيه قوماندان مل پاسوال امير الله امر خيل باخترآژانس ته وويل: دوه سوه دولس ليتره تيزاب چې په څلور ليتري بوشکوکې ځاى پرځاى کړى شوي و او د يو٤٠٤ ډوله بس موټر په واسطه دفراه له ولايت څخه دتخار ولايت ته ليږدول کيدل؛ دمرکزي بغلان دشمرق دپلتڼې په پوسته کې د پوليسو لاس ته ورغلل.
  ويل کيږي دقضيې په تور د فراه ولايت دنظامي څارنوالۍ يوسرتيرى نيول شوى دى.
د يوبل خبر له مخې: د وسله والو غلو يو سرګروپ له دوو تنو افرادو سره يې پرون د زاړه بغلان په ولسوالۍ کې ووژل شو.
د زاړه بغلان ولسوال ګوهرخان بابري باخترآژانس ته وويل: په پتک مشهور د وسله والو غلو يو سرګروپ محمد اسماعيل اودوه تنه افراد يې چې د دغې ولسوالۍ په مربوطاتوکې د وسله والو غلاوو او د نا امنيو د پيداکولو تور پرې لګول شوى و؛ له امنيتي ځواکونوسره په نښته کې ووژل شول .
ويل کيږي په دې جګړه کې چې د زاړه بغلان د شرکت سړک په ساحه کې ونښته؛ امنيتي ځواکونوته زيان نه دى اوښتى .

نور ښکاره کړئ

اړونده مقالې

بیرته پورته تڼۍ ته