کابل باختردلړم شپږمه :
ټاکل شوې ده دبدمنتون انتخاباتي سيالۍ سرله سبا څخه په کابل کې پيل شي .
دهيواد دبدني روزنې او سپورت رياست دبدمنتون فدراسيون رييسې او داسيا دنجونو دبدمنتون مسوولې مستورې ارزو دباختراژانس خبريال ته وويل دځوانانو او لويانو په دوو برخو کې دملي ټيم انتخاباتي سيالۍ ترسره کيږي او پکې دکابل ښار دبيلابيلو ښوونځيو دښوونکو په ګډون ددغې څانګې سل تنه لوبغالي پکې ګډون کوي او ددريو ورځو لپاره لوبې کوي .
دارزو دڅرګندونو له مخې دهغو سياليو په پاى کې دځوانانو او لويانو له دواړو برخو څخه شپږ ويشت تنه غوره څيرې ملي ټيم ته انتخابيږي .
ديادونې وړ ده چې دغه سيالۍ دکابل دپولتخيک پوهنتون په لوبغالي کې ترسره کيږي .
