دايران دخبر پوهنځي دباختر آژانس دخبريالانو په روزنه کې همکاري کوي.

کابل –باختر دمرغومې ديارلسمه :
دايران داسلامي جمهوريت دمشهد دخبر پوهنځي دخبريالانو دروزنې او دخبر او عکس دارشيفونو په ديجيتل جوړولو کې له باختر آژانس سره همکاري کوي .
دباختر آژانس دخبريال دخبرله مخې : په هغې غونډه کې چې نن دباختر آژانس رييس خليل مينوى دايران داسلامي جمهوريت دمشهد دخبر دپوهنځى له رييس ډاکتر سيد رضا امير جهانشاهى او ددغه پوهنځي داى ټى ان دڅانګى له مسول مهندس کاشفى سره وکړه په داسې حال کې چې دباختر آژانس دکورنيو او بهرنيو خبرونو دبرخو امران ماري نبرد ائين او سلطان حميد اشنا هم حاضر و ددغه پوهنځي رييس  دايران په اسلامي جمهورت کې دباختر آژانس دخبريالانو لپاره دلنډ مهالو او اوږ دمهالو روزنيزو کورسونو دجوړولو  په ديجيتل سيستم دباختر آژانس دخبر او عکس دارشيفونو دسندونو دسمبالولو ،دباختر آژانس په مرکز کې دخبريالى د روزنيز مرکز دجوړولو،دتجربو په تبادله او دبآختر آژانس او دمشهد خبر له پوهنځي سره دنږدې فرهنګي اړيکو په برخو کې تياري څرګند کړ ،ده دباختر آژانس دکارونو او په څو وروستيو کلونو کې په افغانستان کې درسنيو دکتنې وړ ودې يادونه وکړه او وې ويل چې دخبر پوهنځي دسيمې په ګچه ديو تخصصي پوهنځي په توګه کولاي شي خپلې تجربې دافغانستان له رسنيو سره شريکې کړي .
په دې غونډه کې دباختر آژانس رييس خليل مينوى دخبر استولو په برخه کې دباختر آژانس دکار دلارو چارو او دبآختر آژانس او دخبر پوهنځي ترمنځ دمسلکي همکاريو او تجربو دتبادلې او دزمينې دبرابرولو په باب خبرې وکړې.
او وې ويل چې باختر آژانس د دولتي خبري آژانس په توګه په ١٣١٨ هجرى لمريز کال کې جوشو او اوس په مرکز کې ١١٠ تنه او د هيواد د ٣٣ ولايتونو په نماينده ګيو کې ١٥٠ تنه خبريالان او عکاسان فعاليت کوي.
ده زياته کړه: باختر آژانس سربيره پردې چې ملى راډيوتلويزيون او پنځو دولتي ورځپانو ته خبرونه برابروي او دهغو واک کې يې ورکوي.
د خپل ويب سايت له لارې هم خبرونه په پښتو ،درى او انګليسي ژبو په توله نړۍ کې دمينه والو په واک کې ورکوى.
په همدې ډول په دې غونډه کې پريکړه وشوه چې تر يوې اوونۍ پورې په دغو برخو کې دهمکاري تفاهم ليک دباختر آژانس او دخبرپوهنځي دمسولينو ترمنځ لاس ليک شي.
دغونډې په پاى کې دخبر پوهنځي رييس او ملګرو يې دباختر آژانس بيلابيلې څانګې وکتلې.