کابل باختر دزمري دوه ويشتمه :
طالبان دغزني ښار ته په ننوتلو سره د غزني ولايت د راډيو ټلويزيون ودانۍ په قصدي ډول وسوځاوه . چې دغه رسني ته زيات مالي زيان اوښتى دى .
ددغې کميټې په اعلاميه کې چې باختر اژانس ته رسيدلې ده ويل شوي دي چې دخبريالانو دخونديتوب کميټې دطالبانو ددغه اقدام د غندنې په ترڅ کې دطالبانو دغه عمل دبيان دازادى داصل پرخلاف بولي او څرګندوي چې رسنى ملکي دي . او په ملکي هدفونو بريد جنګي جنايت بلل کېږي .
دخبريالانو دخونديتوب کميټې ديوناما له دفتر څخه غوښتي دي چې له ښکيلو ډلو په تيره بيا په قطر کې د طالبانو له سياسي دفتر څخه غوښتنه کوي چې دغزني ولايت په رسنيو د بريد مخه ونيسي .
دغه راز دغې کميټې له دولتي ځواکونو څخه غوښتنه کوي چې په غزني ښار کې دنورو رسنيو امنيت تامين کړي .
اوس په دغه ولايت کې ټولې سيمه ئيزې رسنى له فعاليت څخه پاتې دي ځکه د زياترو رسنيو انتنونه دطالبانو ديرغل په لومړى ورځ سوځول شوي دي . چې دهمدې جګړو له امله دملي راډيو ټلويزيون يو تخنيکي همکار محمد داود هم شهيد شوى دى .
ختم_ ج _ اکرم
