کابل باختر دچنګاښ څوارلسمه :
وسله والو طالبانو دافغانستان په جنوب زابل ولايت کې دسړک جوړولو ديو شرکت په کارکوونکو بريد وکړ .
دغه بريد نن له غرمې مخکې ټيک هغه وخت وشو چې دترنګ په نامه دسړک جوړولو دشرکت کارکوونکي دکابل _ قندهار سړک په ترميمولو بوخت و ،.
دزابل ولايت دامنيې قوماندانۍ دامنيت آمر غلام جيلاني فراهي باختراژانس ته وويل چې دطالبانو په دې بريد کې د ترنګ دسړک جوړولو يو کارکوونکى ټپى شوى دى .
درارسيدلوخبرونوله مخې ،يرغلګر دسړک جوړولو ددغه شرکت په کارکوونکو له ډزو وروسته تښتيدلي دي .
له بلې خوا د ترنګ دسړک جوړولو دشرکت يو مسوول وايي چې يرغلګرو ددوى يوه دستګاه په ډزو سره ويجاړه کړې ده .
